Здружението КРЕДИТ ПРОТЕКТ Скопје е независно, непрофитно, непартиско, нерелигиозно здружение на граѓани, кое е формирано со цел да помогне на граѓаните, корисници на потрошувачки кредити од Банки, Штедилници и Финансиски Друштва преку бесплатни правни совети и бесплатна правна заштита при остварување на нивните права како корисници на овие кредитни производи. Дополнително здружението е основано со цел да обезбеди бесплатна правна помош при поведување на судски постапки и застапување од страна на овластени адвокати на корисниците на потрошувачки кредити на кои им е прекршено некое право при користење на потрошувачки кредити кои финансиски не се во можност да поведат таква постапка. Покрај директна помош за граѓаните, здружението е формирано и за да влијае и соработува со надлежните институции за подобрување на регулативата која ги регулира правата и обврските на корисниците на потрошувачки кредити, со цел создавање поголема правна заштита на оваа категорија граѓани.

Секој граѓанин кој ќе се обрати во здружението, а е корисник на потрошувачки кредит, од здружението ќе добие бесплатен правен совет и правна помош, а за случаите каде постои законска можност и основаност и бесплатно застапување од страна на адвокат во судска постапка со цел заштита на нивните права како корисници на потрошувачки кредити.